咦！上面兩架咪係HONDA CBR600RR？重要係06年銀色車架的MoviStar特別版喎！點解會換左呢d咁得意o既拉花呢？原來兩部CBR600RR MoviStar特別版的車主都收起左全套原廠啡呤珍藏，換上國產啡呤，換下Feel費時係街度撞口撞面都係果幾隻花咁話喎。咁又係，原廠啡呤價錢昂貴，如有損壞咪話唔心痛。相反換上After Market的啡呤後，換左一套新衫，心理壓力又細左，醒！。

示範一改裝補品包括: 全套TOY STORY車花，HID頭燈，頭尾迫力採用菊花碟，Brembo直手泵，ani lion迫力壺及輕量化合金牛角，Harri's扭油筒，HYPERPRO釘把，M3螢光轆軨貼紙，透明指揮燈殼，死氣喉選用Akaapovic蝎子喉。

示範二改裝補品包括: 全套CARRERA車花，HID頭燈，頭尾迫力採用菊花碟，Brembo直手泵，ani lion迫力壺及輕量化合金牛角，扭油筒，Ohlins釘把，透明指揮燈殼，死氣喉選用YOSHIMURA喉，尾擔上也有賽車式大架滑托，迷你尾牌架LED指揮燈。

玩車貼士：
原來活躍於珠海賽車場的車手對賽車啡呤的需求十分大，連帶國產啡呤的製作技術都加速邁向成熟，個別熱門車款的跑車啡呤長做長有。同嘉榮傾開偈，先知道原來全套啡呤再加埋國內拉花，連功包料中港價都只係三千多元，真係抵玩！如果搵香港師傅噴一d咁複雜既車花，噴油價錢都差唔多啦！想轉車花或想珍藏原廠啡呤的朋友，有得唸喎！