中階車都越來越少日本制造
有很多入門級甚至中階的綿羊或電單車，都是由台灣、中國、東南亞或印度製造，要找一臺日本製造的中階綿羊已經越來越難。很高興2021 Suzuki Burgman 400仍然是日本製造，正所謂路遙知馬力，日久見人心，日本製造的質量QC，絕對是消費者100%信心保證。 重度使用者唔好貪平，應選高質機器
現在綿羊選擇非常多，五花八門令人花多眼亂。當中當然有好多好車，但亦有一些將價就貨的次級選擇。視乎閣下財力和需要，短暫持有的話便不太需要講求質素。相反如果打算長期持有並會重度使用的人，選擇高質機器，絕對讓閣下將來的車主日子過得更容易。 有買貴，冇買錯
搭左咁耐棚，無非都係想話Burgman
400經過多年多代進化，產品早已非常成熟。新車的汽缸蓋、活塞和噴咀的設計都經過改動，以符合歐5標準。排氣喉內也有新型催化轉化器，蜂窩結構的金屬催化劑載體數量從一種增加到兩種，以進一步淨化廢氣。
 |
被Burgman 400安心地包裹著
車款一直走輕奢巡航路線，並同時注重操控性及實用性。經過今次試騎，我們認為2021 Burgman 400雖然不是全新車款，但表現仍然優異。錶板佈局以然傳統，但仍然非常易讀。安心的操控是Burgman 400表現最突出的地方。以充足的腿部空間、氣流保護、舒適坐墊、低矮座高和落腳容易的窄平台，結合中低轉豐盛的輸出，令人感覺到是坐在車內，被Burgman 400安心地包裹著。 15吋頭輪提供安定的轉向感
扭油起步時，2千餘轉已經出力，感覺到重心明顯走向尾輪，頭擔有短暫變輕的感覺。相信這是15吋頭輪和13吋尾輪的配搭效果。如果不喜歡的話，可以再調較一下尾避震預載。綜合駕駛感覺是13吋尾輪起步凌厲，而15吋直徑頭輪則提供安定的轉向感，在0-120km/h之間有最佳發揮。 常用轉數在2-5千轉之間
一般唔慢咁行車，常用轉數在2-5千轉之間。如果肯扭上6千轉，DOHC引擎出力會更開心。不過在接近7千轉時加速感便開始放緩，以單缸表現也算合理。經過改良減重的ABS系統，頭尾三碟式制動力度相當充足，而且手感相當線性。
|
中置連桿尾避震提供貼地表現
相比起雙缸綿羊，Burgman 400力度不在同一層次，但整體車身擁有更親和的平衡感。多謝中置連桿式尾避震，為尾輪提供高性能貼地表現。所以新車雖然有Traction Control，但試車時我地試唔到TC介入。後來索性把TC關閉，駕駛感受也沒有大分別。相信要在雨天濕地時激情駕駛才會試到有Traction Control的優點。換另一個角度睇，即係話Burgman 400的駕駛極限很高。 Burgman一向都不設keyless
行車時只要一縮油門，錶板就會著咗ECO燈，進入慳油模式。每次一扭大油門，ECO燈便會熄滅，是慳家車主的好幫手。係時候數下缺點，首先我地認為喉聲偏靜，太斯文。第二是座下空間不能存放兩頂大頭佛頭盔，第二個頭盔只能是Jet式頭盔。第三是沒有keyless。不過出口版Burgman一向都不設keyless，冇計。 一睇就知唔係送餐送貨果D車款
400cc水冷DOHC 4V單缸機器較雙缸車種輕巧，對騎士的技術要求較低，無論是停車落腳，泊位掉頭，750mm座高真係去邊度搵，女騎都一樣可以輕鬆無負擔。而Burgman 400走貴價中階路線，一睇就知唔係送餐送貨果D車款，唔會俾人誤會閣下開緊工。 |
