望穿秋水終於出到牌
上次我地睇過六位ZX-25R車主一齊開箱，相當高興。望穿秋水，新車終於出到牌正式落地喇！由Z125至Ninja 400，再轉戰ZX-25R的女車主呀Wing，經過年月考驗仍然在騎，己經是通過實戰驗證的老手了。 合法車速冇跑馬仔
iBike好榮幸可以再次訪問呀Wing有關新玩具的感受。訪問當日新車剛到手，只跑了二百多公里仍然在磨合初階，所以轉數上會比較克制。之前以為ZX-25R在17,000rpm才入紅區，高波低轉一定會行得好辛苦，點知又唔係喎。呀Wing新車run-in時，頭200公里引擎轉數唔好過4000rpm。之後上大帽山，六波行5000rpm - 6000rpm，合法車速冇跑馬仔又ok喎。 熱量高風扇易著
原來ZX-25R即使在磨合時期低轉慢慢行，車頭表現仍然寧靜順滑。之前我們以為想舒服行街，揀low spec的雙缸引擎會更適合，原來唔一定。不過ZX-25R雖然係250，但始終係直四機器，再加上低伏的把手，推車時感到車身重量比預期中重。熱量也較高，著風扇的機會較多。
 |
抱著油缸入彎
新車即係新車，頭燈非常光亮，錶板悅目易讀。關於座姿方面，比起以往棟直開車的Z125，或是輕微前傾的Ninja 400，ZX-25R最具戰鬥氣氛，駕駛姿勢相當進取，需要伏低上身駕駛。另外，阿Wing最愛新車的油缸，比起以前直二Ninja 400的油缸更雄渾更有利抱著油缸入彎。 夜晚出車好惹鬼
今次拍攝分開兩晚，原因是隨著行車里數逐漸增加，可以放心扭上更高轉數。第一晚拍攝時轉數不過8000rpm，第二晚可以扭上12000rpm。拍完之後散band之後Wing表示已經扭到去16000rpm了，可惜iBike沒有紀錄到，真可惜。論掣動表現，ZX-25R相當敏銳，比原裝Ninja 400更好收，改裝另計。加速雖然不是ZX-25R的強項，但音效絕對係賣點。原裝喉聲巳經高唱入雲，相當銷魂。如果改埋喉的話，夜晚出車真係會好惹鬼。 最好玩是操控
Wing認為新車最好玩的地方是操控。雖然駕駛姿勢不舒服，但在攻彎時就相當舒服。車身轉向方應快速而不失穩定，予人無限信心。再加上排氣聲效和感受著車身動態的變化，絕對值回票價，也是Ninja 400未能提供的刺激樂趣。
|
KQS幫緊你
動力模式有高低兩段，對於車仔來說，全時段揀選high power唔會有錯。至於Traction control，呀Wing暫時未玩到佢介入。新車雖然有滑式離合器，但呀Wing買的SE版配有雙向快速轉波器，所以只係開車或停車時才會扣極力子。拖波唔使呼油，KQS幫緊你真好玩。留意KQS只會在引擎轉數高於2500 rpm以上時才會啟動。以一萬五千轉才到達峰值輸出的特性來說，相信除了停車之外，引擎轉數都不會低過兩千五轉。。 攻彎利收車快
ZX-25R配備六速波箱，估計極速超過195km/h。細機器要開得精神，一定要靠高轉。ZX-25R最高馬力達到51ps/5,500 rpm，最大扭力2.3 kg-m要在14,500 rpm才會出現，峰值馬力和扭力的轉數只相差一千轉，屬於超高轉數的賽車化引擎。香港有好多大車選擇，純求速度的話當然唔會揀佢。但ZX-25R可以隨時隨地提供的直四高轉歌聲，耳朶有福。配合攻彎利收車快的優異操控，玩味十足。 快D加入ZX-25R啦
ZX-25R SE版售價只是港幣七萬九千八，便可以擁有KTRC電子防護、SFF-BP前叉、動力模式選擇、徑向煞車卡鉗、自動補油Auto Blip、雙向快速轉波、ABS制動、原廠煙熏風擋、車架保護滑塊和圈輪貼紙。軟硬設備都屬於一級，呢個價錢真係相當抵玩！
|
