2014 HK Trike Project Victoria 150 本地試騎 30 July 2014

新車查詢Hong Kong Trike LTD

Victoria座下可收納一個正常呎吋的大頭佛頭盔，地臺位置可放行李箱。
多謝地臺上有龍骨位，放箱後雙腳可以攝入箱底，
既有位放腳又可幫手頂住個箱：)
.

為何車尾印有Vogue而不是Victoria字樣呢？
因為是OEM組裝車關係，型號名稱呢D野好死o既姐！
換過張貼紙便可：)

雖然只是150，但車身輕巧，只有98kg乾重，再加上強調起步反應的調較，令Victoria在燈位搶起步不會輸蝕。
但784mm座高令人重心升高，配上10吋直徑的細轆和輕盈車身，令操控變得很敏感。騎慣重車的人需要時間適應。
.

Victoria 150是一臺適合慢慢行的綿羊仔。過彎一心急想壓車低少少時便會揩大架。
心急車主建議你拆走大架和換一對靚胎，如此戰鬥力馬上提升不少。
.

避震和制動系統的表現都稱職，老實說這價位我們也不會有何要求。
畢竟一臺單車淨係買車架，好少少的都萬多二萬元，砌一架road bike隨時過十萬蚊，
現在HK$12,800有一架行得走得的全新車，玩一年推落海都唔會肉痛。
.

GY6引擎是亞洲最常見的綿羊引擎，歷史悠久，製作技術早巳普及化。
雖然有很多工廠都製作這款引擎，但大部份零件都通用，所以整車買料又係唔使怕。
.

GY6引擎常配搭化油器，Victoria 150都唔例外。
試騎時可能因是新車關係，著車後一收油較易死火。要等充份熱好車後才正常。
.