2011 Yamaha FZ-S 鐵騎網誌 www.ibike.com.hk

2011 Yamaha FZ-S 本地試騎 1 Mar 2011

嘩！咁搞法重有人
會買綿羊仔o既？

小綿羊之所以咁多人會買，全因為體積和重量都較易掌握，加上售價相宜又舒適又實用，深受新人或用家歡迎。

不過小綿羊受CVT波箱所限，力量傳遞不夠直接，細轆又不利高速行車，重心又偏後，不利頭輪負重....下刪三百字。

老編一向主張新人買棍波街車練習，等養熟基本技術後才按自身需要和興趣轉用其他車款。

不過香港市場的入門級150棍波街車，賣相和售價一樣，屬於基本菜色，已出牌的車款中從未有一款街車可以有Yamaha FZ-S咁靚仔，咁威威。

Production: Alex/Jerry/Eddy/Dave
車輛提供：萬里達車行有限公司

以Yamaha FZ之名低價攻奪初心者

如果Yamaha車系分為文官武將的話，代表武將是YZF車系，代表文官便會是FZ車系。

入門級武將有印度製作的YZF-R15和歐洲製作的YZF-R125，而入門級文官有中國製作的YBR250。但現在有外形更吸引的FZ-S 150。

同屬YZF-R15同一產地的FZ-S，外型比YBR 250更令人有感覺，全車上下都散發著高性能氣息，新人實在難以抵抗。最重要是開售價是HK$28,800，以125綿羊價錢可以買到140尾胎的五速街車，簡直係超值，YZF-R15賣緊三萬幾蚊架！

FZ-S 來自 FZ16

Yamaha FZ-S來自2009 FZ16，機件規格相同，但在配套襯色上有分別，是FZ16的豪華版。

FZ-S頭燈上有小風擋，錶板背景有碳纖紋裝飾，車架和Fork腳都塗上黑漆，油缸拉花和用色也較FZ16複雜，更接近大車感覺。
　

YZF-R15 vs FZ-S

YZF-R15和FZ-S的機器完全不一樣。R15是水冷機器，馬力有17ps，較FZ-S的風冷機器高出3ps，扭力也是以YZF-R15較高。

不過YZF-R15的峰值輸出所需轉數，全部都比FZ-S高出一千轉。意味著行街街以FZ-S較舒服，跑尾段以R15較爽快。

R15和FZ-S兩車售價相距五千蚊，除了是水冷和風冷的差異之外，還有電噴系統和化油器之分，和Delta Box車架和鑽石型車架之別。

R15是頭尾碟煞，FZ-S則是頭碟尾鼓。咦，數數下只係差果五千蚊，又好似YZF-R15抵買d喎！呢個世界就係咁，對產品認識越多，自然越願意付出更多。

ALEX 觀察報告

FZ-S的引擎轉數有液晶顯示，數字速度計，又有油量顯示，資料擺放方便閱讀。

FZ-S和FZ16一樣都是使用化油器，冬車開車時可以開風chock令著車更加容易和縮短暖車時間。

喜見輪圈有鈴貼，油缸黑綠雙色相輝影，機器殼有啞黑保護漆，座位有防滑功能，黑色座墊也帶有灰間來分隔前後座位....配套水準唔失禮，唔錯唔錯。

FZ-S得單缸引擎出力足水，震動輕微，引擎運作時表現寧靜，相當斯文。

新車特色是相當容易操控，引擎在4仟餘轉開始俾力，8仟轉開始放緩。一般市區行車，常用轉數在6仟轉之間，極速估計在110km/h附近。

可能是新胎關係，試騎樣本的輪胎表現較跣。不過幸好FZ-S車身輕，很容易修正。制動表現也相當oK，據聞FZ-S的頭制動，可以改用舊款R1的制動鮑魚呢！

790mm座高和135kg車重，令女騎士坐上FZ-S也可應付自如。女騎士用街車，比起騎小綿羊不知型了多少倍呢！

以125/150綿羊的價錢，可以買到150街車，新手實在不容放過呢個正統操車的機會呀！
只有操熟棍波，以後才可以向高性能高操控的境界進發。
　